KLEUNSJE
 

I fibberwar 1981 sjrievet iech d'r teks vuur dat lidje.
't Lieke, mieng doater woar tswai wèche aod. Vuur de vinster van
't kingertsimmer hong ing marionnettepóp, e kleuntje.
't Lieke loog in 't bedje. Iech sjtong vuur de vinster.
Va wieds hoeët iech d'r óptsóg.
Deë vertrók vanaaf d'r Olmeplai.
D'r Wiel Hamers komponeret de moeziek.
D'r jezank is van 't Nicole van Weert.

doa oave óp 't tsimmer
hingt e kleunsje bij de vinster
't hingt mit veer köadsjer an d'r plavong
en went 't klingt sjloffe jeet
trukt de mam an die köadsjer
da danst dat kleunsje in de zon

ee tswai hop, ee tswai hop,
de bee eraaf en de erm eróp
ee tswai hop, danst dat kleunsje in de zon
ee tswai hop, ee tswai hop,
de erm eraaf en de bee eróp
ee tswai hop, bij de vinster is 't karnaval

doa vure óp 't sjtüpje,
leuft e kinke ieësjte sjtepjer
't krieënt en 't sjokkelt bis 't da vilt
en went de tröansjer kómme junt
pakt d'r pap da zie kinke
en danst werm e kleunsje in de zon

't kinke is noen jroeëser
lieret sjneure en óch broeze
hingt mit vöal köadsjer vas ja woa aa
en went 't zienne jank wil joa...
dinkt 't tseruk an 't sjtüpje,
da danst werm e kleunsje in de zon