2012DecV(laat u voorlezen!)

Sjerve

Oes d'r radio klinkt e krislidje van d'r Michael Bublé. Ze vare noa heem. D'r pap mit zieng döatesj. D'r sjweierzoon zitst hinger 't sjtuur. Ze hant inne krisboom jehold. Heem vare ze de vaat eri. D'r Michael is oes-jezónge. In 't tsimmer sjteet d'r vós vuur d'r boom veëdieg. Dis joar hant ze inne frisje boom. 't Vurriegs joar vole al bij 't dri zetse de ieëtsjte nolde droes. Noen nog jing.
In ing kótte tsiet sjteet 't hoes vol mit doeze. D'r boom en 't hoes weëd jetseert. Mit ze vere jeet 't jód vuuraa. Ze laache en aaf tsouw inne vlók. Ópins inne sjlaag. Inne bol vilt oes d'r boom. Jraad inne van die auwe. Oes de kingertsiet van d'r pap. Ing erinneróng likt in sjerve. Mar 't is nuuks verjelaeche mit de erinneróng an de mam. 't Jemis jeet mit de joare mit. D'r pap veëgt de sjerve óp.
'Nieëks joar jelde vier waal jet nui böl,' zeët e.
Heë wurpt de reste van d'r krisbol an duur in d'r dreksbak. De kinger kieke durch de vinster eroes. Ze dinke an de mam.
Die erinneróng zal noeëts i sjerve braeche.