2012NovI(laat u voorlezen!)
D'r man van de veerboot maat de kette tsouw. Heë sjtikt uvver noa de anger zie. De zon sjteet neer. Ende lande sjnaterend óp 't wasser. Ze uvversjtimme 't broeze van d'r veerbootmotor. 't Wasser van de rivier sjtreumt durch e landsjaf va herfsklure. D'r oktober leuft zommerlieg óp zie end. De wermde veult vuchtieg aa. Jet flarde mörjenieëvele verdampe. Lu sjpatsere en fietse verbij. Vuejel verzammele ziech vuur d'r jroëse trek noa 't zude. Oes 't jraas sjtikt inne voeëjel. 't Hingesjte umhoeëg. D'r kop in d'r drek. Pielreët oes de loeët jevalle. Ziene letste trek.
An de uvverzie zitse lu óp e terras. Ze sjtunt óp wen de veerboot aalekt. Leëg tasse blieve hinger. D'r ober sjtabelt telder mit raeste va kieësjevlaam. De kette van de veerboot jeet óp. Uvver 't loofbret kome fietse-rennere. De fietse an de hank. Helme óp d'r kop. Inne dreët ing iesmutsj. Mit ing floes midde óp d'r kop. Zoeë tse hure zunt 't Belsje. Ze hant sjpas. Hön sjtimme sjalle uvver 't wasser. De veerboot viert werm tseruk. D'r renner mit de iesmutsj maat ing foto va zieng kammerade. Va hem weëd óch ing jemaat. Heë sjteet bij de vaan aan de hingerzie van de boot. Mit ing hank hilt e ze vas. De anger hank in de zie. D'r fotograaf deed e paar sjritte noahinge um 't jroeëse lief jans dróp tse krieje.
'Dat is onze Armstrong,' zeët inne van de rennere.
Ze jenisse d'r fietssjport en d'r herfsdaag. Dat is hönne pries. D'r Armstrong kan dat nit zage. Heë is zieng pries kwiet. De rennere kalle effe uvver hem. Woar e jód miensj? E sjleët miensj? E ierlieg miensj? Wie dan óch, e miensj miensj. Mieë zage ze nit.
Ze zunt an de uvverzie. D'r man van de veerboot wunsjt hön inne sjunne daag. Nui lu junt óp de boot. D'r motor broest. An de reling hingt e sjild. 'Boot vaart tot en met 31 oktober.' Nog e paar daag hin en heer. En da in 't vrugjoar werm.
Mit rennere. Vuejel die tserukkome. Tasse kaffieë. Kieësjevlaam. En 't sjild: 'Boot vaart tot en met 31 oktober'.
Hin en heer.
