2012sepII(laat u voorlezen!)
't Hat d'r janse mörje jereënd. Jods-jedank is 't noen drueg. D'r opa Sjir sjpatseert mit zie klingkink uvver de hei. Ze losse d'r hónk oes. D'r zank is naas. De vóssjtep zunt duudlieg tse zieë. D'r nase zank kleëft an de sjong.
'Kiek,' zeët d'r Sjir, 'kiek Jelle. Vier zunt de ieëtsjte lu hei óp de hei.'
'Joa opa, doa zunt mieng vus en doa de dieng. Die va diech zunt jroeëser.'
'Wie de vus va miech zoeë jroeës woare wie de dieng, zatst inne miensj vuur 't ieëtsjt inne sjrit óp d'r mond.'
'Weë woar deë miensj?'
'D'r Neil Armstrong. Tswai waeche jeleie is e jesjtórve. Jans bekankd is e woeëde.'
D'r hónk sjneurt langs hön durch. D'r Jelle wiest noa zieng puetjer in d'r zank.
'D'r Puk is d'r ieëtsjte hónk óp de hei dizze middieg.'
Va wieds kome lu kótterbij. Ze zunt noen nit mieë alling. Ze woare wal d'r ieëtsjte. Zoeë woar 't óch mit d'r Armstrong. Noa hem koame nog mieë lu óp d'r mond.
D'r Sjir dinkt tseruk an die naat va zóndieg óp mondieg. Heë woar nog inne jónge jong. Tsezame kieket heë mit ziene pap noa d'r tellevies. De wöad die weltbekankd zouwe weëde klónke durch 't tsimmer. ''t Is inne klinge sjrit vuur e miensj, inne jewaltieje vuur alle miensje oeëts.'
'Ing nui tsiet brikt aa,' zaat ziene pap.
D'r Sjir lekt ing hank óp de sjouwer va zie klingkink. Tsezame sjpatsere ze wieër.
D'r Neil Armstrong is jesjtórve. De tsiet is blaeve.
Bliet nui.
