2012joelieIV(laat u voorlezen!)
Tswai auto's vare de parkeerplaatsj neëver de kirch óp. 't Zunt touriste. Ze hant 't sjildjse Centre noajevare. In ing vreëm plaatsj kunt dat ummer jód. Ze sjtieje oes. 't Ieëtsjt junt ze noa de kirch. Nog mieë lu junt de kirch in en oes. 't Zunt mieëtstens oeslender. Mieëdere sjproache klinke. Fluusterende sjtimme langs de Gothiesje pilare van de kathedraal umhoeëg. Vus sjoervele uvver de graniete sjting. Fotocamera's klieke. Jekluurd lit durch de brankjejsilderde vinstere van duuster aod bis kloar modern. 't Umermt de lu. Keëtse brenne vuur jouw wunsje. An duur óp d'r kirchplai sjtunt lu mit d'r kop in d'r nak. Ze kieke eróp. Sjtaune. Koens al die joare uvverleëfd. De klokke in de tuur sjlunt tswelf oer. De terrasse völle ziech. Crêpes weëde ópjedeend. Durch meëdjer i Bordeaux-roeë sjótsele. Touriste lofe tseruk noa de parkeerplaatsj. Mit inne umwaeg durch ing winkelsjtroas. Vöal drieëne, kóm sjnak. Vuural sjeef. De etalaasjes jekroamd. 't Sjiengt tsouwval wie al neerjezatsd is. 't Is d'r Franse sjlaag.
De tswai auto's vare voet. Noa ing anger plaatsj. Mit e Centre. Jenisse van d'r Franse sjlaag.