2012aujoesII(laat u voorlezen!)
't Zouw inne jroeëse sjportzommer weëde. Mit silvester hant ze dróp jedrónke. 't Roos en d'r Wiel. Trui supportere van d'r Hollendsje sjport. Inne kampioen zitst zicher in 't vaas. Doabij weëd 't Wk-fietse kótbij jevare. Ze zalle zicher óp hön klapsjteultjer langs d'r weëg zitse.
't Foesballe weëd ing jroeëse enttäusjoeng. Jods-jedank kunt 't Nk-fietse bij hön langs de duur. Rungde noa rungde vare ze langs hön hoes. 't Roos en d'r Wiel klatsje en róffe. Vuural wen 't Marianne Vos langskunt. Dat is hönne favoriet. 't Is wal nit kampioen, mar i Londen jeet 't jood weëde. Doava zunt ze uvvertsuugd. En dat passeert óch. 't Marianne jewint jood. In inne sjlaag d'r sjleëte Tour verjaese. Hank i hank zitse ze vuur d'r televies. 't Roos veëgt ziech ing troan aaf. 't Marianne hat jood.
E paar daag sjpieëder viert 't werm. Evver 't jeet nit. Het is óp. Mit muite treënt 't de pedale rónk. 't Marianne weëd i-jehold bij 't tsiet-vare. Mar het viert durch. Ópjeëve deed 't nit. Zicher nit bij de Olympiesje Sjpieële. 't Is ing ier um d'rbij tse zieë. De vräud va mitdoeë.
'Jroeëse klasse,' ruft d'r Wiel.
Alling d'r reporter in d'r televiessjtudio sjnapt nuuks d'rva. 'Marianne krijgt tikken tegen haar billen. Ze krijgt billenkoek,' ruft deë e paar kier.
'Me zouwe zage,' sjoebt 't Roos, 'dat deë alling mar oog hat vuur 't hingesjte van 't Marianne.'
Mar deë reporter kan hön de sjpas nit bederve. Zicher nit wen ing sjwumster woava d'r Wiel en 't Roos d'r naam lestieg kanne behaode, óch jood jewint. Ze haode 't nit drueg. Het hilt de medaille vuur d'r televies umhoeëg. 'Nederland hier is ie.'
't Wilhelmus zingt het vol vräud mit. Veult ziech ee mit de supportere. 't Deelt zie jood mit Nederland. ''t Ranomi Kromowidjojo', fluustert 't Roos.
Ze zalle deë naam nit verjaese.
Van deë reporter van d'r televies, zalle ze d'r naam nit mieë oessjpraeche.
