Tsezame zinge ze 't lidje nog ing kier.
't Lieke sjtikt d'r vinger óp.
'Juffrauw, va wem is 't hoefiezer?'
'Van e peëd, Lieke.'
'Welk peëd?'
De juffrauw Miriam trukt de sjouwere óp.
Ze wees 't nit
'Va welk peëd?'
't Sanne sjpringt óp.
'Van d'r Tsinterkloas.'
'Sjtel diech ins vuur, Sanne,' zeët de juf,
'van d'r Tsinterkloas.
Da kan 't peëd nit mieë lofe.
Ao wat erg.
Misjien hat d'r Sjwatse Piet ós lidje jehoeëd.
Wits te wat, vier zetse sjtrak d'r sjong óp
en legke doa 't hoefiezer bij.'
Dat vinge ze allenäu e jód iedee.
